Aldain parke berria egiteko proiektuaren aurreneko pausoa ere gaur emango dute eta besteak beste, Juan Carlos Guerra plazaren urbanizazio lanen epea luzatzeko eskaera aztertuko dute.
Emakume Txokoak, berriz, urtarriletik martxora bitarteko plangintza aurkeztu du gaur arratsaldean ikus dezaten, eta baita ere, urtarriletik ekainera bitarteko jabetze eskola. Kultura gaien artean, adibidez, dagoeneko aurreratu genezake aurtengo udaberrian ere izango dela musikaldia. Hau da, musika klasikoa oinarri hartuta izaten diren musika emanaldiak.
Eta denboran honantzago etorrita, otsailaren hasierara begira ipiniko gara, izan ere, dagoeneko Santa Ageda koruak badabiltza aurtengo ibilaldietarako entseatzen. Dirulaguntza ere eskatu diote Udalari eta horixe aztertuko dute gaur arratsaldeko batzarrean.