Zerrajerako bizilagunek jaiak gura dituzte auzoan. Horretarako lehen froga bat egin zuten joan den aste bukaeran, ekimenak datorren urterako indarra hartuko duen esperantzaz. Musika, dantza eta haurrendako jolasak izan zituzten. Jai batzorde bat sortu gura dute eta asmoa da festak uztaileko bigarren aste bukaeran ospatzea. Zeinu bereizgarria jarri diote dagoeneko: txapela eramatea derrigorrezkoa izango da. Aldarrikapenerako esaldia asmatu du bizilagun batek: "Txapela buruan eta jaiak Zerrajeran!"
Uztailean herriko zenbait auzo eta kaletan jaiak ospatzen dira; Maalako jaiak edota Ferrerias kalekoak dira horren adibide. Bi adibide horiek aspalditik datoz, aintzinako kutsua duten jaiak dira. Bada, herrian sortzen ari diren auzo berriek ez dute atzean geratu nahi eta Zerrajerako etxeetako bizilagunek, esaterako, jaiak gura dituzte duela urte gutxi sortu zen auzorako. Joan den aste bukaeran egin zuten lehen froga, eta espero dute datorren urterako ekimena indartu egingo dela. Hori bai, auzotarren inplikazioa ezinbestekoa izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak