Klubari bultzada berria eman asmoz Arrasateko Ointxe! saskibaloi taldeak mahaingurua antolatu du biharko, hilak 25 (Kulturateko Garibai aretoa, 18:45). "Zergatik hartzen dugu esku amateur mailako talde batean?", "Non dago kirolarien parte-hartzearen eta taldeek lortu beharreko emaitzen arteko oreka?", "Ondo antolatuta gaude?", "Beharrezkoa da klubeko arloren bat profesionalizatzea?". Horrelako galderak izango dituzte mahaiaren bueltan, eta Debagoieneko talde guztiak daude gonbidatuta, bertan esango direnak baliogarri izango direlakoan.
Ointxe! saskibaloi taldeak bihar egingo du elurteagatik atzeratu behar izan zuten mahaingurua. Berbaldira Zarauzko klubeko ordezkariak gonbidatu dituzte –iaz Diputazioak Gipuzkoako talde onenaren saria eman zieten–, eta baita Easoko ordezkariak ere, Gipuzkoako saskibaloian erreferente den kluba. Horrekin batera, taldeko jokalari, entrenatzaile eta kide guztiak daude gonbidatuta, baita ibarreko gainontzeko taldeak ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak