Interesdunek urtarrilaren 30a baino lehen aurkeztu beharko dituzte eskaerak, Biztanleen Arreta Zerbitzuan. Gero, lizentzia zeini emango dioten erabakiko dute oposizio lehiaketa bitartez. Eta lehiaketa horretara aurkeztu ahal izateko, hainbat baldintza bete beharko dira. Adibidez, BTP klaseko edo haren baliokidea den gidatzeko baimena izan behar da, edo bestela hortik goragoko kategoriako gida-baimena. Baloratuko dute, berriz, euskara jakitea, herria ezagutzea eta Diputazioaren irrati-taxi zerbitzuan sartzeko borondatea izatea.
Udarako-edo
Behin lizentzia adjudikatuta bi hilabete baino lehen hasiko dira zerbitzua ematen taxi irisgarrian. Dena dela, burokraziaren prozedura kontuan hartuta, Udaletik esandakoaren arabera, zaila da zehaztea noiz hasiko den martxan taxi hori, baina ahaleginduko dira uda ingururako martxan izatea.