Zera ere gaineratu dute mozioan: "Lantegiko ondarea desagertuta, urte eskas batean izugarri zorpeturik, zeharo trakets, desagertuta eta kaudimen gabe agertzen den zuzendaritza batekin. Lansarien etengabeko atzerapen eta ez ordaintzeak ahaztu gabe. Ez dugu konponbiderik ikusten”, aditzera eman dute.
Utillajesko langileek mozioan azaldu dute “irtenbidea alde batetik” bakarrik etor daitekeela: “negozioa beste jabe batzuei transferitu zieten haien aldetik”. Baina uste dute horretarako, lehenengo eta behin, “ondarea babestu beharrean” daudela.
Espekulaziotik babesteko eskaera
Hori horrela, gaur egun Utillajes Moldcam enpresa dagoen lursaila “edozein espekulazio edo eraikuntza-lanetarako pelotazotik babestuta egon dadin”, gaurko osokoari eskatuko diote lursail hura “industri lurzoru bezala mantentzea edo bestela erabilera publikora bideratzea; beti ere, industri jardueraren etetea ez bada langileekin negoziatu eta itundu”.
Horixe ba, gaur, osokoak erabaki beharreko puntuetako bat. Baina gehiago ere badira, jakina. Batzarra hasiko da 19:00etan.