Ondo aprobetxatutako zortzi euro dira, hainbat ekintza antolatzen dituzte-eta: denetariko eskulanak –kakorratza, puntua, ehoziria...– dantza modernoak –sanba, esaterako–. pintura ikastaroak, gimnasia Iturripen... Ikastaro guztiak aditu batek gidatzen ditu. Gainera, ekintza berezirik egon ez arren, Osinagak dioenez, "leku lasaia" da eta "oso gustura" egoten dira bertan erretiratuak.
Omenaldia eta sagardotegia
Urteko zita aipagarrietako bat da 80 urtetik gorakoei egiten zaien omenaldia. Aurten martxoaren 5ean izango da; 14:00etan bazkaria egingo dute, eta bazkalostean opari banaketa.
Bestalde, sagardotegira irteera egingo dute martxoaren 17an. Honezkero 66 erretiratuk eman dute izena –Osinagak dio gero askok kale egingo dutela– eta martxoaren 11ra arte eman ahalko da izena. Usurbileko Aginaga sagardotegira joango dira, guztira 27 euro ordaindu beharko dira; proposamen merkea, beraz.