"Urteko lehena izanda, kanpotik ekarriko dituzte postu bereziak: arbola-landare hiru mintegi, baserrirako erreminta saltzaileak, otzaragile bat, orturako landara ekologiko saltzaile bat eta beste pare bat baserri produktu bereziekin (ekoizpen sistema ekologiko edo antzerakoak lantzen dituztenak)", kontatu du Marga Garmendia udal teknikariak.
Jakina, haiekin batera, baina, etxeko baserritarrak ere izango dira zapatuko azokan, 10-12 bat baserritar, hain justu.
Otarra opari
Bestalde, opariekin ere badator baserritarren azoka 2010ean: "Erosleei boletotxo batzuk banatuko zaizkie, euren datuak ipintzeko, eta azoka bukaeran egun horretako bezeroen artean zozketatuko dute baserriko produktu sorta bat", dio Garmendiak.
Bukatzeko, azokara joateko deia egin du udal teknikariak: "Produktu oso kalitate onekoa, bertan ekoiztutakoa, garraiatu gabea eta hemengo klimatologia eta lurraldearekin bat datorrena" dagoelako.