"Dena primeran irten da, eguraldiak ere lagundu du eta oso gustura gaude. Hasiera batean 250 ume espero genituen baina azkenean 220 inguruk hartu dute parte danborradan", adierazi du Juan Luis Azkaratek. Arratsaldeko 19:00etan anbulatoriotik hasita, Nafarroa etorbidetik, herriko kaleetarako bidea hartu zuen. Garibaitik, Maalara eta amaiera borobila herriko plazan emanez. "Jendearen harrera beroa baloratzekoa da eta hemendik animatu nahi ditut hurrengo danborradetan parte hartzera". Umeek egindako lana nabarmendu nahi izan zuen Arkauzek. "Hilabete erdi eman dugu entseguekin eta oso gustura aritu dira umeak. Jendeak asko laguntzen du eta oso ondo antolatu gara".
Bestalde, nagusien danborradarako dena prest dagoela adierazi digu Arkauzek. Azken entsegua gaur, astelehena, San Viatorren egingo dute Arrasateko txarangarekin batera.