Eskolak Gipuzkoako Igeriketa Federazioak ematen ditu eta helburua da umetxoei erakustea igerilekuan moldatzen, edo bestela esanda, uretan ez hondoratzen. 30 minutuko eskolak dira eta igerileku txikian egiten dituzte, hango ura epelago dagoelako. Matrikula da 26,40 euro. Interesa duenak Musakolako kiroldegira deitu behar du: 943 77 16 77.
Kirol instalazioetarako txandak
Bestalde, kiroldegi kontuekin segituz, AUKEAtik abisatu dute herriko kiroldegi guztietan, hau da, Musakolan, Iturripen, Uarkapen eta Mojategin dauden kirol instalazioak (frontoiak, futbol, tenis, padel eta squasheko kantxak) erreserbatzeko azkeneko eguna apirilaren 24a dela.