Udalekuen errepasoa egin ostean, gazte txokoek bihar ekingo diote ikasturte berriari

Jokin Bereziartua Lizarazu 2010ko ira. 20a, 12:40
Izan gazte, izan ero, izan gaztetxokero. Esaldi horrek merezi duen indarra berreskuratuko du asteon. Izan ere, Txatxilipurdik kudeatzen dituen gazte txokoak martxan jartzear dira: bihar, irailak 21, ekingo zaio ikasturte berriari Erguin, Musakola eta San Andresko egoitzetan.

Ikasturteari gogo biziz ekingo diote, nahiz eta Lander Juaristi Txatxlipurdiko dinamizatzaileak adierazi duenez, ez duten ikasturte hasierako ekitaldi berezirik prestatu.

Udalekuen errepasoa, eginda
Joan den eguen arratsaldean, Orioko udalekuetan izan ziren bi txandak batu ziren Musakola eta Erguingo gazte txokoetan. Hala, gaztetxoek udalekuetan egindako lagunekin berriz ere elkartu eta barre on batzuk egiteko aukera izan zuten, hezitzaileek jarri zizkieten udalekuetako argazkiak ikusten. Argazkiekin gozatu ostean askari ederra egin zuten: denetarik jan eta edateko parada izan zuten. Gainera, argazkiak etxera eraman zituzten CD baten, oroigarri moduan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak