Horren bitartez, batetik “alkatearen erabateko askatasuna exijitzen” dute, haren “senide eta lagunei” elkartasuna adierazteaz batera. Gaineratu dute, Arrasateko udal gobernuaren ustez, “Ino Galparsororen kartzelaratzeak motibazio guztiz politikoa” duela eta kokatu dute “espainiar gobernua ezker abertzalearen aurka aurrera eramaten ari den ofentsiban”.
Bestetik, udal gobernuak elkartasuna adierazten dio, baita ere, Luis Mari Apraitzi, egubakoitzean jasandako erasoaren aurrean.
Eta bukatzeko, adierazi dute “Euskal Herria gatazka gordinean murgilduta dagoela” eta hori gainditzeko diote “beharrezkoak diren baldintza demokratikoak berreskuratu beharrean” gaudela. Bide horretan, “ezinbestekotzat” jotzen dute “lurraldetasuna eta erabakitzeko eskubidearen aitortza” eta euren “konpromisoa eta borondatea” adierazten dute “konponbiderako urratsak eman daitezen”.