Salgai daude domekan Arrasaten izango den bertso jaialdi erraldoirako sarrerak (Amaia Udal Antzokia, 18:00). Gure ibarrean honako leku hauetan eros daitezke, hamar eurotan: Arrasaten, Kajoi eta Irati tabernetan; Bergaran Arranon eta Oñatin ere Arranon. Edozelan ere, egunean bertan ere erosi ahal izango dira sarrerak, antzokiko leihatilan. Batutako dirua Udalbiltza auziak eragindako gastuei aurre egiteko erabiliko dute.
Udalbiltzako auzipetuek iragarri dute Arrasateko bertso-jaialdira etorriko direla, furgonetan. Eta jaialdiaren ostean Madrilerako bidea hartuko dutela, hurrengo egunean, urriaren 25ean segituko du eta euren kontrako auziak, Madrilgo Auzitegi Nazionalean, "beraz, epaiketari dagokion azken bidaia izango den hau, bertsolarien eta bertsozaleen berotasun hauspoaren laguntzarekin egingo dugu", adierazi dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak