Udalatx mendia barrutik ustiatzeko baimanea lortzeko prozedura burokratikoa abiarazi dute. Besteak beste, ingurumen eragina aztertzeko deklarazioa tramitatzen hasi dira.
Hori horrela, Arrasateko Udalak denbora eskatu gura du, proposamen hori hobeto aztertzeko, eta era berean, alegazioak aurkezteko asmoa ere badauka. Gaur arratsaldeko batzarrean zehaztuko dute hori guztia.
Bizkaia etorbideko igogailua
Bestalde, obra kontuak ere mahai gainean izango dituzte gaur. Bizkaia etorbidea eta oinezkoen pasealekua lotzen dituen igogailua luzatu eta oinezkoen zubitxo bat egiteko proiektuari dagozkion obrak adjudikatzeko behin-behineko proposamena erabakiko dute-eta.
Erretiratuendako prezioak eta gizarte laguntzak
Bestalde, gaur arratsaldean erretiratuen etxeetako aurtengo prezioak zehazteko puntua landuko dute. Udalak gura die aukera eman erretiratuen etxeetako tabernariei euren proposamenak egin ditzaten.
Eta, jakinaraziko dute, baita ere, oinarrizko gizarte larrialdiekin lotutako laguntzei dagokienez, aurten ere iazko irizpide berak jarraituko dituztela. Horrek esan gura du Jaurlaritzak zehazten duen gorenengo laguntza kopurua emango duela Udalak.