Udala 'oso pozik' dago arrasatearrek San Juanetan eman duten erantzunarekin

Jokin Bereziartua Lizarazu 2009ko uzt. 3a, 22:22
San Juanetako garrak urtebete baino gutxiago –eta gero eta gutxiago falta da– itxaron beharko du berriz ere Arrasateko kaleak har ditzan. Jaiak bukatu dira, eta orain balorazio egiteko ordua da. Udala "oso pozik" dago 2009ko San Juanetan herritarrek eman duten erantzunarekin. San Juanek indarra berreskuratzen hasi direla uste du Izadi Mondragon jaietako zinegotziak.

Izadi Mondragon jaietako zinegotziak jakinarazi duenez, "ekitaldi ezberdin ugari egon dira eta gehienetan jende asko ibili da". Ekitaldion artean jendetsuena Pirritx, Porrotx eta Marimototsen ikuskizuna izan zela dio Mondragonek, baina azaldu duenez, "Bitter Honey, Los Galerna eta Ekon taldeen kontzertuak ere Monterron bete zuten". Horiez gain, Errementari Dantza eta ekainaren 25eko txosnaguneko kontzertuak –Last Rebels, The Motherfuckers eta Radio Dead Ones– ere nabarmendu ditu.

Bestalde, jaietako gastuei erreparatuz, Mondragonek adierazi du aurrekontu gehien zuten ekintzak arrakasta izan dutela.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak