Udal zerbitzuak kalean, udan

Udan be bai! izenarekin, Udal Gazte Bulegoak eta Udal Sexologia Zerbitzuak egitarau berezia prestatu dute uztailerako. Batetik, zerbitzuak kalera atera gura dituzte, zerbitzuak herritarrei gerturatzeko. Bestetik, eguenero egingo dituzte ekitaldi bereziak.

“Uda garaian kalean egoteko joera areagotzen denez, kalea erabili gura dugu gure zerbitzuen berri emateko, eta berauetan zer aurki daitekeen jakitera emateko", halaxe azaldu dute Udal Gazte Bulegokoek eta Sexologia Bulegokoek uztaileko ekimenaren helburua. 

Uztailaren 7, 8 eta 9an, arratsaldez, Garibai etxetik atera (bi zerbitzuon egoitzatik) eta Biteri plazan jardungo dute batetik herritarrei arreta zerbitzua eskaintzen eta bestetik zenbait zerbitzu herritarren eskura ipintzen: “Auto-kontsultarako ordenagailuak, irakurgaiak, antisorgailuen gaineko erakusketa, informazio turistikoa… Hori guztia, musikaz girotuta”.

Horrez gainera, eguenero ekitaldi bereziak egingo dituzte: uztailaren 3an, graffitiak (Esan eta DJ Kirrin); uztailaren 8an, Ain_1 taldearen emanaldia; 10ean, bidaiatzeko aholkuak emango ditu Mertxe Bilbao bidaiariak; 17an, dantza erakustaldia egingo du Maite Albesek eta 24an ipuin kontaketa izango da, Arrasateko hainbat neskaren eskutik.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.