Udal Gazte Bulegoaren 'Install party'-a irailaren 24an
Aitziber Aranburuzabala Juldain
2009ko ira. 16a, 15:28
Arrasateko Udal Gazte Bulegoak, irailaren 24rako software libreko produktuak ordenagailu eramangarrietan instalatzeko bilkura proposamena egin du; hitzordua, arratsaldeko 6etatik 8ak bitartean da Gazte Bulegoan. 'Install Party' hori, hilean behin, hileko azken ostegunetan, egin nahi duten topaketen lehenengo hitzordua da. Jarraian dituzue entzungai, Dorleta Kortazarrek, Arrasateko Gazte Informazio Bulegoko teknikariak, Arrasate Irratian kontatutakoak.
Gazte informazio Bulegoaren asmoa, esan moduan, hileko azken ostegunetan zita egitea da, tailer txikien bitartez, informatika eta sarearekin lotutako kontuen gainean gazteak biltzeko, hau da, sare sozialak, edo programatan trebeak diren gazteen elkarlana bultzatu asmotan.
Irailaren 24ko hitzorduan, Ubuntu eta bestelakoak instalatzeko deialdia da, ordenagailuan, euskarazkoak eta libreak diren softwareak instalatzen lagunduko da. Ekimena zabalik dago interesa duen edonorentzako.