Udal azokaren birmoldaketa aztergai

Tokiko Gobernu Batzarra egiteko hitzordua du gaur (astelehena) udal gobernuak. Lantzeko dituzten gaien artean, bada bat aspalditik datorrena. Hau da, Arrasateko Udala aspalditik dabil lan hori egin guran: hain zuzen ere, udal azoka zela birmoldatu daitekeen aztertzeko ikerketa lana. Bada gaurko Tokiko Gobernu Batzarrean azterketa lan hori kontratatzeko baldintzak onartuko dituzte.

Horrez gainera, obren atalean, Olandixoko saihesbidea egiteko obra adjudikatuta dagoela jakinaraziko dute, Bedoñabe Herri Eskolan leku eta ikasgela berriak egokitzeko proiektua landuko dute eta Mojategiko kiroldegian bulegoak eta taberna moldatzeko obren adjudikazioa aztertuko dute.

Eta beste gai pare bat aipatzearren, jakinaraziko dute zeintzuk diren Debagoieneko Landa Garapenerako Elkarteak 2008ko dirulaguntzetarako zehaztu dituen irizpideak eta Gazte bulegoaren eta Sexologia zerbitzuaren uztaileko egitarauaren berri emango dute.

Halakoak eta beste landuko dute gaur 15:00etan hasita. Ohi dugun moduan, datozen egunotan jakinaraziko dizkizuegu zeintzuk izan diren zinegotziek hartutako erabakiak.    

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.