Egoera triste honi buelta emateko, udalak pasa den astean azoka nola berreskura daitekeen aztertzeko ikerketa lana abiarazi zuen. Udalak Ikei ikerketa enpresari eman dio arazo honi irtenbidea aurkitzeko ardura.
Udalak bi irizpideren arabera eskatu dio Ikei enpresari azterketa egiteko: azokaren instalazioen egoera nolakoa den zehaztu eta azokaren kudeaketa aurrera nola eraman daitekeen definitu.
Irtenbide posibleak zehaztu
Batetik, gaur egungo merkatuaren instalazioak nolako egoeran dauden zehaztu behar dute Ikeikoek; eta beraz, obra batzuk beharko balira zein lan diren zehaztu.
Bestetik, udal azokan dauden saltokiak zein motatakoak diren ikusiko dute ikertzaileek. Beste zerbitzu baten beharra balego zein saltoki mota izango litzatekeen zehaztu beharko lukete.
2010eko abendua, mugarri
Gainbeherak kezkatzen badu ere, beste arrazoi bat ere badago udalak azoka suspertzeko irtenbideak aurkitu izana azaltzeko. Izan ere, udal azokan saltoki finkoa eta itxia duten zortzi merkatariei 2010eko abenduan amaitzen zaie saltokia izateko baimenaren epea. Merkatari hauek azoka utzi ez dezaten ekiditeko neurria ere izan da birmoldaketarako plana Ikei enpresari egokitu izana. Udalak 28.000 euro baino gehiago ordainduko dio Ikeieri.