Orain arte behin behineko proiektua zena, alegazio epea amaituta, behin betiko onartu du Gipuzkoako Diputatuen Kontseiluak. Mendebaldeko saihesbidea edo Olandixoko tunela moduan ezagutzen den proiektuaren enkanteko aurrekontua 41,3 milioi eurokoa da eta lanak egiteko epea 27 hilabetekoa. Bi kilometroko luzera izango du saihesbideak.
Aretxabaletatik datorren errepide zaharra eta Aramaiora doana lotuko ditu saihesbideak, Arrasateko erdigunetik pasa gabe.
2008ko udaberrian hasiko ditu lanak Gipuzkoako Foru Aldundiak.
Saihesbidearen osagai nagusiak izango dira:
- Olandixoko tunela (860 metro).
- Bi biribilgune berri.
- Aramaio ibaiaren gaineko zubia.
Saihesbidea Mugarriko zubiaren ondoko biribilgune berrian hasiko da, GI-627 errepidera sartzeko lotunearen parean, Aretxabaleta eta Arrasate arteko mugan. Hasierako zatia mendi-mazelaren erdialdean barrena joango da industria eraikinak gainditu ondoren; punturik garaiena ibar batzuen ondoan egongo da, eta, jarraian, beherantz egingo du tunel batean sartuta.
Olandixo aldean proiektatutako tunela 860 metro luze izango da, %2,50eko malda iraunkorrarekin, eta pertsonak irteteko galeria bat izango du larrialdirik gertatuz gero. Tunelaren irteeran egongo den saihesbideak Aramaio ibaia zeharkatuko du zubi berri baten bidez eta bideak jarraituko du egungo GI-2620 errepidera iritsi arte. Han bat egingo du biribilgune berri baten bidez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak