Datozen egunotan 2.000 neska-mutiko inguru pasako dira Musakolako kiroldegitik. 15 urte badira Txatxilipurdi elkartea gabonetako parkea antolatzen hasi zela. Aurten, 35 begirale aiko dira lanean.
Ipuin-kontaketa saioak izango dira aurten ere. Maite Franco ipuin-kontalari hondarribiarrak gaur, urtarrilak 3, egingo du bere saioa. Ostegunean, berriz, urtarrilak 4an, Mundua koloretan izeneko antzezlana ikusi ahalko dute 4 urte bitarteko umeek.
Zibertxokoa ere izango du aurtengo Txikilandiak. Gela honetan hainbat ordenagailu izango dira, bideojokoetan jolastu ahal izateko. Kantxan berriz, puzgarriak eta tailerrak jarri dituzte. Hain zuzen ere, tailerrak daude aurtengo berrikuntza nagusien artean: talo, txalaparta, dantza eta trikitixa gehitu dizkiete ohiko pintura eta argazki tailerrei. Karaokerako eta ikuskizunetarako agertokia ere kantxan jarri dute.
Antoñako pabilioian dago beste guneetako bat, han jarri dituzte, besteak bestek, serigrafia eta larrugintza tailerra eta goming-a, nagusitxoendako. Bihar uraren eguna egingo dute eta igerilekuak Txikilandiak hartuko ditu.