Txatxilipurdik 'balorazio oso positiboa' egin du 2010eko Txikilandiaren gainean

Krisiak Txikilandia ere astindu du. Aurten lautik hiru egunetara pasa da Gabonetako jolasparkea, hau da, urtarrilaren 5ean ez zituen ateak zabaldu. Krisiak eta inguruko herrietan ere –Bergaran, esaterako– jolasparkea egoteak Txikilandia baldintzatu badu ere, Txatxilipurdiko Irune Gabilondok adierazi du "oso balorazio positiboa" egiten dutela 2010eko Txikilandiaren gainean.

Gabilondok dioenez, zapatuan "lasaiegi" ibili arren, domeka eta astelehenean ume eta gaztetxo "dezente" hurbildu zen Musakolako kiroldegira.
Zenbat gaztetxo hurbildu den jakiteko saldu diren sarrera kopurua da antolatzaileen neurgailua. Bada, guztira 1.100 sarrera saldu dira. Gabilondoren esanetan, "ez dago batere gaizki".

Hankapaloak eta ur parkea
Zazpi gune jarri dituzte eta gunerik arrakastatsuena azken egunean zabaldu zen ur parkea izan da. Bestalde, hankapaloek "sekulako arrakasta" izan dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.