Aisialdia eta euskara ardatz, hainbat ekintza egin dituzte gaztetxoek Orioko udaleku itxietan. "Abentura eta gaztetxoen autonomia" izan dira zeinu bereizgarriak "aurten ere", Lander Juaristi Txatxilipurdiko dinamizatzaileak jakinarazi duenez. Ohiko ekintzez gain, Unai Azkarate Azkaiter Pelox musikari bergararraren zuzeneko emanaldiaz gozatzeko aukera izan zuten. Juaristik gaineratu duenez, eguraldia lagun izan dute.
Atzo, uztailaren 22, amaitu ziren Txatxilipurdiren Orioko udaleku itxiak. Bi txanda egin dituzte, hilaren 2tik 12ra eta 12tik 22ra. Lehen txandan 43 gaztetxo izan ziren eta bigarrenean, berriz, 45; Lau begirale izan dira txanda bakoitzean. Gaztetxoek ez dute aspertzeko astirik izan eta antolatzaileak "oso pozik" daude gaztetxoen erantzunarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak