Euskaraz eta gazteleraz ematen du informazioa markesinak. Nora doan autobusa hartu gura dugun adierazi behar da, geralekua adierazi, eta markesinak esango digu ordutegia.
Helburu bikoitza dauka
Arrasate Kristaldegia enpresak Arrasateko Udalari eskaini dio enpresak berak sortutako autobus markesina prototipoa bide publikoan jartzeko aukera. Helburua bikoitza da: batetik, bide publikoan markesinaren erabileraren benetako datuak izatea da eta, bestetik, Udalari teknologian aurreratua den ekipamendu bat eskaintzea gura da.
Eguzki plakak eta energia eolikoa
Eguzki plakak eta gailu eoliko bat dauka markesinak, markesinak berak eskaintzen dituen zerbitzuak martxan mantentzeko energia sortzeko balio dutenak. Hala, ez du instalazio elektrikoen beharrik, eta ondorioz, gastuak asko murrizten dira.
Oraingoz ez dago ekipamendu guztia martxan; asmoa da 2010eko irailean guztia martxan izatea.
Bi urteko akordioa
Akordioaren arabera, Arrasate Kristaldegia enpresak Udalaren eskura jarri du, doan, eta gehienez ere 2 urteko epean, enpresaren jabetzakoa den autobus markesinako prototipoa. Udalak ez du ezer ordaindu beharrik izan, bakarrik mantentze gastuak hartuko ditu bere gain.