Sutea izan zen bart Musakolako Sailuente plazako etxe baten

Ezbeharra izan zen bart Musakola auzoko Sailuente plazan dagoen etxebizitza baten. Udaltzaingoak jakinarazi duenez, 21:20ean piztu zen sua etxeko sukaldean. Zartagin batek su hartu eta sukaldeko kanpainara zabaldu zen sua. Zorionez, ez zen zauriturik izan baina kalte materialak izan ziren. Era berean, eta lekuko baten arabera, etxebizitzaren jabea "lur jota" zegoen ezbeharra gertatu ostean.

Esandako moduan, kalte materialak etxebizitza baten izan ziren, hau da, sua ez zen gehiago zabaldu. Izan ere, suhiltzaileek sutea kontrolpean izan bitartean ondoko bizilagunak etxetik irtenarazi zituzten arren, gaua euren etxeetan pasatzeko aukera izan zuten gainontzeko bizilagunek. Sutea eman zen etxekoek, berriz, senitartekoren baten etxean egin behar izan zuten lo, suhiltzaileek hala gomendatuta. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.