Arrasatek Hiri Gutuna jaso zuela 750 urte bete direla-eta, gure historian arakatu asmotan batu zen herriko talde bat Sustarrak Errotuz izena eman zioten elkartean. Apirila-maiatza bitartean hainbat hitzaldi antolatzea izan zuten lehenengo helburua; bigarrena, berriz, San Juanetan egin zuten bertso-trama eta abuztuan Ferrerias kalean murala egin zuten. Dagoeneko hurrengoa ere bidean dute: herriko historia laburbiltzen duen erakusketa egin gura dute azarorako.
Gustura dira Sustarrak Errotuz taldeko kideak orain arte antolatutako ekitaldiek izan duten harrerarekin; hori horrela azaroa-abendurako Arrasateko historia oinarri duen erakusketa ari dira dagoeneko prestatzen. Material ugari dutela diote, besteak beste, Udal artxiboan aurkitutakoak; hala ere, herriko etxeetan gordeta dauden garai bateko "altxorrak" ere gustura jasoko lituzkela diote elkarteko kideek. Talde zabala dela diote, edonorentzako ateak zabalik dituena; eguaztenero elkartzen dira 19:00etan Udaletxean.
Eukene Mondragon, Sustarrak Errotuz taldeko kideak kontatutakoak dituzue jarraian entzungai.