Patxi Arburuak dio PSE-EEri jakinarazi diotela proposamen hori aztertu dutela: "Are gehiago, bi aldetatik aztertu dugu; politikook aztertu dugu, behintzat gure alderdikook, eta baita Zerbitzuetako teknikariek ere. Eta erantzun egin zitzaion, abenduaren 3ko aktan daukagu jasota. Arburuak sozialisten proposamenean "puntu interesgarriak" daudela aitatu du baina, "baita gabeziak ere"; uste dute-eta "larregizko zigorrak" proposatzen dituztela. Zinegotziak gaineratzen du "teknikariak araudiko eduki batzuk aplikatu ahal izatearen gaineko zalantzak agertu ditu. Hori horrela, Udalak kaleko garbiketarekin "orain arte moduan" segitzeko asmoa duela dio aktak.
Arrazoirik ez
Kontu hori dela-eta PSE-EEk Obra Saila utzi izanaren aurrean Arburuak dio eurei ez zaiela "ez ondo, ez gaizki iruditu. Eurek ikusi behar dute zer egin euren udal jardunarekin. Baina arrazoirik ez dute."
Sozialistek salatutako 'boikot' eta 'kanpaina zikinaren' gaineko salaketen aurrean , berriz, zera dio Arburuak: "Hauteskunde kanpainan gaude. Ez dute arrazoirik halakorik esateko. Eskatutako informazio guztia ematen diegu eta egin izan dituzten beste proposamen batzuk aztertu ditugu.
Gainerako alderdiak EAEren txotxongilo direnaren salaketari dagokionez, "inoren txotxongilo ez gara inor", dio Arburuak.