"SOS" erraldoia Udalaitz mendi magalean

AHT gelditu! elkarlanak deituta, mendi martxa egin zuten Udalaitzera atzo, domeka, eta mendi magalean "SOS" erraldoia jarri zuten. 20na metro luze dira hizkiok (60 metro, orotara) eta, beraz, ez dira oharkabean pasa; herriko leku askotatik ikusten dira.

Gelditour biraren barruan egin zuten mendi martxa, bi helbururekin:  batetik, AHT-ren inguruko eztabaida piztea; eta bestetik, Udalaitz mendian eta inguruetan sortuko lituzkeen kalteez ohartaraztea. Bozeramaileek adierazi dutenez, Udalaitzi hitza eman diote, sinbolikoki, eta berak “SOS” oihukatu du, ozen.

Debagoienetik Durangaldera egin du Gelditour-ek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.