Hain zuzen, ipiniko dituzte sonografoak Zarugalde kaleko Arrogoi tabernan, Garibai etorbideko Garibai tabernan eta Olarte kaleko Ispilu tabernan. Kontua da hainbat bizilagun kexatu egin direla aipatutako hiru taberna horiek sortzen dituzten eragozpenengatik.
Bestalde, Otalora Lizentziaduna kaleko Taupa tabernan sonografoa ipinita izan dute eta atzoko Tokiko Gobernu Batzarrean jakinarazi zituzten jasotako emaitzak. Haien arabera, Taupa tabernak ez du gainditzen legeak azarritako zarata maila. Aldiz, ordutegiari dagokionez, gainditu egin du legeak ezarritako muga. Hori horrela, Hirigintza Sailetik jakinarazi dutenez, espediente zigortzailea zabalduko dute taberna horrren aurka eta isuna jarriko diote. Kontuan hartuko dute, besteak beste, taberna horrek duen infrakzio kopurrua eta zenbat minututan gainditu duen ordutegiaren muga.
Ordu bata eta erdietan itxita
Eusko Jaurlaritzaren dekretuaren arabera, tabernen ordutegiak tabernen kategoriaren arabera finkatzen dira. Baina orokorrean, neguan taberna gehienak aste barruan hamabi eta erdiak arte egon daitezke zabalik eta eta egubakoitzen eta jaiegun bezperatan eta egubakoitzetan berriz, ordu bata eta erdiak arte. Udan aste barruan ordu bata eta erdiak arte egon daitezke zabalik eta egubakoitz eta jaiegun bezperatan ordu biak arte.
sonografoak tagged map by user - Tagzania