Joan den asteburuko porrotaren ostean MUko entrenatzaile Javi Zurbanok ez zuen etsi nahi: "Taldeak denboraldi honetako partidu batean ere ez du eman duen dena, eta noizbait izan beharko da". Hala, noizbait hori geratzen diren bost partiduetan izango den esperantzarekin, Arrasatekoek oraindik ez dute amorerik eman nahi, eta matematikek aukerak daudela dioten bitartean iaz egindako balentria errepika dezaketela sinistu nahi dute.
Esandako moduan, bost partidu geratzen dira jaitsiera fasea amaitzeko; bost final, horrenbestez. Eta horietako lehena ez da samurra izango, hirugarren lekuan dagoen Baskoniaren kantxara joango dira-eta zapatuan MUko mutilak (17:00).
Parekotasun handia
Kategoria horretan dagoen parekotasun handia ikusita posible da bolada on bat jarraian harrapatzea, eta hori da salbaziorako bide bakarra.