Jende gutxi agertu zen Kulturateko informatika gelan. Hala ere, Gazte bulegoko koordinatzaile eta ikastaroa gidatu zuen Patxi Gaztelumendik adierazi duenez, "dozena erdi bat lagun agertu baziren ere, oso saio interesgarria eta emankorra" izan zen. Izan ere, hainbat iritzi eta gogoeta plazaratu ziren: esaterako, Gazte Txokoetako eta ludoteketako begiraleak bertaratu ziren, eta sare sozialek gaztetxoenen aisia ordenagailuko pantailara mugatzeko arriskua biderka dezaketela planteatu zuten.
'Erabileran dago gakoa'
Interneteko sare sozialek aurkezten dituzten arriskuen aurrean honakoa adierazi zuen Gaztelumendik: "sare sozialak ez dira arriskutsuak berez; erabileran dago gakoa, bizitzako beste aspektu batzuetan bezala: drogak hartzean, autoa hartzean... gertatzen den moduan".