Eduki hau partekatzeko esteka arbelera kopiatu da.
Arrasateko Santamas Komisiñuek kartel eta irudi berria egiteko lehiaketa deitu du 2009ko Santamasetarako. Lehiaketan edozein arrasatearrek har dezake parte. Irabazleak 900 euroko saria jasoko du. Lanak BAZen aurkeztu behar dira urriaren 16a baino lehen.
Oinarriak
Lehiaketa honetan edozein arrasatearrek parte hartu dezake.
Agertuko den testua: SANTAMASAK 2009. ARRASATE. ABENDUAK 22.
Kartelean zenbait elementu agertu beharko dira: Txerria, Udalaitz eta Portaloia.
Lanak
sinatu gabe eta lelo bat atzean idatzita aurkeztu beharko dira. Lelo
berdina duen gutunazal bat ere erantsi beharko da eta bertan egilearen
datuak jasoko dira.
Egile bakoitzak lau lan aurkeztu ditzake gehienez.
Sortze teknika librea: collage-a, diseinu digitala, txuri-beltza, akrilikoa, koloretan, etab.
Aurkeztu beharreko dokumentuak:
Kartela
Irudiaren garapena: diseinatutako irudia formatu ezberdinetan erabiltzeko egokitu beharko da.
Eskuorria: azalean kartela eta jaietako egitaraua barruan.
Errifak: txerriaren zozketako errifa orria
Kartel bateratua: egitarauko ekintza esanguratsuenak agertuko diren kartel osagarria.
Logoa: Santamas Komisiñuaren logo proposamena.
Azalpena:
diseinuaren nondik norakoen azalpena, zein elementu azpimarratzen
dituen, zer adierazi gura duen, aurrera begirako proposamena, etab.
Lanak modu fisikoan eta KD formatuan aurkeztu beharko dira.
Proiektuaren oinarri izango den irudiak Arrasateko Santamas jaien adierazgarri izan behar du;
jaiaren bilakaera, honek herrian duen garrantzia, urteetan erabilitako
irudi historikoa, etab. hartu beharko ditu egileak kontutan.
Orainaldiko irudi bat proposatu eta etorkizunean adierazgarri izango
den marka sortzeko irizpideak markatuko ditu.
Santamas Komisiñuaren helburua aukeratutako lanari zenbait urteko jarraipena ematea da. Epaimahaiak hala baloratuz gero, irabazleak gutxienez beste bi urtetan kartela egiteko gonbidapena jasoko du.
Saritutako
lanaren egileak epaimahaiak irizten dituen aldaketak gehituko ditu eta
formatu ezberdinetara egokitzeko prestutasuna erakutsi.
Epaimahaiak aurkeztutako lanen maila nahikoa ez dela erabakiz gero, saria banatu gabe geratuko da.
Behin
epaia emanda, irabazle suertatu ez diren lanak egileei itzuliko
zaizkie. Santamas Komisiñua ez da arduratzen aurkezten diren lanek
jasan dezaketen kalte-galeraz.
Epaimahaia
honako taldeetako ordezkariek osatuko dute: Santamas komisiñue, Kultur
Taldeak, Arrasateko Udala eta marrazkilaritzarekin lotutako pertsonak.
Saria 900 eurotakoa izango da.
Lanak Arrasateko BAZen (biztanleen arreta zerbitzua) aurkeztu beharko dira 2009ko urriaren 16a baino lehen.