Hori baino lehen, baina bestelako ekitaldiak ere izango dira. Adibidez, 18:00etan, etxafuegoek iratzarriko dituzte jai gogoak inguruan; ordu berean euskal kantu kalejira hasiko dute, Benta Zaharrako Mutiko Alaiak izenarekin. Eta 18:00etan, baita ere, eta lehen esandako moduan, egingo dute erakusleiho lehiaketako sari banaketa.
Zezen suzkoa eta beste
Ordu erdi geroago, berriz, aterako dira Erraldoi eta Kilikien konpartsa eta Konpartsa Txikia, Herriko Plazatik, gainerako kaleetan barrena. 19:30ean, Arrasateko Dragoialde txarangaren txanda izango da; 22:30ean, dantzaldia egingo dute Haitzama taldearekin herriko plazan eta 23:30ean, zezen suzkoa, hori ere, Herriko Plazan.