Santa Ageda Koruek hitzordua egin dute datorren astelehenerako, otsailaren 2rako; batetik prestaketa lanak egiten hasiko dira eta bestetik “giroa berotu nahi” dute, aurtengo “diru bilketa ondo joan dadin”.
Eusko Alkartasunaren egoitzan egin diete hitzordua kantari, poltsero eta laguntzaileei, 21:00etan. Era berean, jakinarazi dute bidali dietela dirua eskatzeko gutuna inguruko lantegi eta saltokiei.
Eta gutun horretan, besteak beste, iazko diru bilketaren emaitzaren berri ere eman dute. Haren arabera, 6.100 euro pasatxo batu zituzten 2008an, eta ohi duten moduan, Caritasen bitartez banatu zituzten, honako taldeetan: ama ezkongabeak, banandutako amak, eskolen jangelak ordaintzeko eta etxeen errentak ordaintzeko.