Arrasateko San Viator eskolan irakasle izandako Jose Angel Arregi Eraña erlijiosoa Txilen dago, kartzelan, ustez umeen pornografia izateagatik. Horixe jakinarazi dute gaur hainbat komunikabidek. Haien arabera, justizia espainiarra Arregi ikertzen dabil, material propioa ere grabatuta zuelako apaizak 15 adin txikikori ustez abusu sexualak eragitearren. Eta abusu horiek Gasteizko, Basauriko eta Madrilgo eskoletan eragindakoak direla diote. 53 urteko apaiz inputatua 2009ko abuztuaz geroztik dago behin-behinerako kartzelan, Santiago de Txilen.
Hedabideek diotenaren arabera, Txileko poliziak Interneteko komunitate pedofiloak ikertzen zebiltzala atxilotu zuen Jose Angel Arregi, ustez umeen pornografiadun artxiboak jaistearren. Gaineratu dute apaizak berak entregatu zuela beste argazki artxibo ugari, argazki eta bideoekin, baita berak grabatutako bideoak ere. 12-14 urte bitarteko umeekin grabatutako bideoak dira horiek, tartean, eta betiere komunikabideek diotenaren arabera, Gasteizen eta Basaurin grabatutakoak.
Jose Angel Arregi Eraña 1979an sartu zen irakasle Arrasateko San Viator eskolan. Gure iturrien arabera 1996an eman zuen baja Arrasatetik. Bestalde, Arrasaten dagoeneko ez dago viatoristen anaidirik. Gasteizera joan ziren. Eta hemengo eraikina ere saldu egin zuten, eskolarena zena, bost urte inguru dela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak