Horrekin batera, jai giroan ere sartuko dira gaur arratsaldean, izan ere, San Juan jaietan barrakak jartzeko dauden eskabideak aztertuko dituzte, eta San Juanetako egitaraua eta aurrekontua onartzea ere aztertuko dute. Ospakizunekin jarraituz, Ibai Arte elkarteak ardo eguna antolatzeko egindako laguntza eskaera aztertuko dute eta baita ere SUDC-ek eskatutako laguntza eskaerak, kasu horretan, aurtengo erretiratuen eguna eta atzeratuen eguna antolatzeko.
Eta udako kontuekin jarraituz, beste laguntza eskaera bat ere aztertuko dute, NUBI elkartearena, oraingo honetan, hain zuzen ere, saharar errefuxiatu haurrendako antolatu gura dituzten udalekuak gauzatzeko.
Bestalde, aurten Lezetxikira ere etorriko dira indusketa lanak egitera, eta horrekin lotutako eskaera bat ere aztertuko dute. Eta bestelako gaien artean, ekaina, uztaila eta abuztuko ekintzen programazioa onartzea aztertuko dute.