"Ideien lehiaketa izanda, herritarren ideiak jaso gura ditugu, ez botoak, ideiak, baizik; izan ere, herritar askok erakutsi du interesa bere proposamenak egin edo duen iritzia guri helarazteko", azaldu du Naia Ruiz de Eginok, harrobiaren gaineko erakusketa eta lehiaketako teknikariak. "Zer egingo zenuke harrobiarekin? Bulegoak, jokorako eremuak, etxebizitzak, kirol eremuak, energia aprobetxamendua, eremu komertzialak, lurzoruaren erreserba…" halako datuak jakin gura dituzte.
Gaineratu du lehiaketa bera abiarazi zutenean pentsatuta zeukatela halako zerbait egitea eta orain bideratu dutela ekimena.
Askotariko ekintzak
KZGunearekin elkarlanean, www.kzgunea.nethelbidean sartu eta haren bitartez egin behar dira iradokizunak.
Lau sailetan banatu dituzte iradokizunak batzeko esparruak:
- harrobiak zein erabilera pribatu izan ditzakeen
- erabilera publikoak
- etorkizuneko ekimen ideia berritzaileak
- ideien lehiaketako erreferentzia irizpideen inguruko ekarpen orokorrak