San Josepeko finaleko ideien defentsa zuzenean gaur (Twitter)

Gaur egingo dute azken defentsa San Josepe ideia lehiaketan finalista aukeraturikoek. Kultur Aten atzera ere gaur goizean aurkeztuko dituzte epaimahaiak aukeraturiko Harrizate, Kisky, Suelo eta Tronera proiektuak eta herritarrek bozka bidez hautatu zuten KO. Goizeko 10:00etan hasi eta lehena Harrizate izango da. 45 minutukoak izango dira aurkezpenak eta ostean herritarren galdera eta zalantzei erantzun beharko diete finalistek. Goiena.net-etik ere aurkezpenak zuzenean jarraitzeko aukera izango duzue unean-unean eguneratuko dugun mezu laburren leihotxoan (sartu albiste honetan).

Proiektu irabazlea aukeratuko duen epaimahaia ere izango da aurkezpenean eta ondorengo egunetan emango dute jakitera erabakia. Aurreko faseko bost irabazleek 10.000 euroko saria irabazi zuten eta diru horrekin azken defentsa honetarako proiektuak garatu behar izan dituzte.

Zuzeneko jarraipena: Twitter #sanjosepe

Azpiko livebloggingaren bitartez jarraitu ahal izango duzue goiz eta arratsaldez gaurko aurkezpena. Twitter erabiltzaileek #sanjosepe tagaren bitartez ere parte hartzeko aukera daukazue nahi izanez gero.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.