San Josepe kalea osorik berritu gura du Udalak

San Josepe kalea goitik behera urbanizatu gura du Arrasateko Udalak, eta hori egin ahal izateko proiektua idazteko lehiaketa deitu du. Proiektua handia da, eta horren ondorioz, 97.900 euroko aurrekontua eta sei hilabeteko epea ezarri dute lehiaketarako.

Halakoetan ohi duten moduan, proiektua idaztean zehaztuko dute nondik norako obrak izango diren egin ditzaketenak, baina, oro har, Obra Sailaren helburua da inguru guztia berritzea. 

Espaloiak eta beste

Hau da, espaloiak egin, ur eta argi sareak lurperatu, irisgarritasuna bermatu, oinezkoendako pasabideak egokitu eta nabarmenena: Udalak gura du aztertu ea posible den Abaroa berriaren atzeko aldetik pasatzen den errepideari jarraipena ematea, Umezaintzatik aurrera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.