Aitor Orobengoa ingeniaria buru duen herritar taldeak beste herrialde batzutan, Erresuma Batuan, Norvegian edota Australian kasu, itxita dauden harrobiekin egin denari erreparatuz egin zuen proposamena. Gainera, Gipuzkoa mailan beste harrobi zahartuendako eredu izango litzateke San Josepe.
Diru laguntza
Arrasateko Udalak, proposamena aho batez onartu du, eta ekimena aurrera eraman ahal izateko, 18.000 euroko diru laguntza jarriko du.
Ideiak
Herritar taldeak egindako proposamenak, hainbat aukera eta erabilera ezberdin jasotzen ditu.
- Taldeak esandakoaren arabera, Erabilera pribatuko eraikinak egin daitezke bertan: motako guztietako etxebizitzak, bulegoak edota zerbitzu guneak.
- Erabilera komertziala da beste aukeretako bat, maila honetan sartuko liratekelarik galeria komertzialak eta multizinemak.
- Mondragon Unibertsitatearekin lotura duten jarduerendako ere leku egokia izan daiteke San Josepe herritar taldearen iritziz, ikasle egoitzak, jangelak eta ikasteko aretoak besteak beste.
- San Josepe inguruan bizi direnentzako aparkalekuak egitea ere ideia ona dela uste dute elkartekoek, baita kamioiendako aparkaleku moduan erabiltzea ere.
- Azkenik, etorkizunean sortu daitezkeen beharretarako, erreserba estrategiko gisa gordetzea ere aukera bat izan daitekeela ikusten dute herri elkartekoek.