Horrez gainera, obra kontuak landuko dituzte, besteak beste. Adibidez, Santa Marina kalea eraberritzeko obren azkeneko burokrazia kontuak aztertuko dituzte. Burokrazia kontu gehiago izango dituzte, baita ere, kasu horretan, Aldaiko parkearekin lotuta; Iberdrolarekin lotu beharrekoak aztertuko dituzte, hain justu. Eta Fagor San Andres eremua ere berbagai izango dute, hango plan berezia hasiera batean onartzeko proposamena aztertuko dutelako udal agintariek.
Ortu hutsen adjudikazioa
Bestalde, Garagartzan hutsik dauden ortuak zeini emango dizkioten jakinaraziko dute gaur,; XXI. Mendeko Etxebizitzak izeneko jardunaldien antolaketan parte hartzeko proposamena aztertuko dute, eta beste gai bat aipatzearren, Emakume Txokoaren eta Jabetze Eskolako apiriletik ekainera arteko egitaraua ere mahai gainean izango dute.