Horrez gainera, bi egunean, abenduaren 28 arratsaldean eta abenduaren 29an egun osoz, Arrasateko zenbait komertziotan zuzeneko bilketa egiteko asmoa du NUBIk. Eta hori egin ahal izateko herritarren laguntza behar dute. Deialdi berezia egin gura diete herritarrei parte hartzeko. Interesa izanez gero, honako telefono zenbakietara dei daiteke: 685 72 48 17 (Agurne), 685 72 48 16 (Lourdes) eta 685 72 48 18 (Maria).
Bestalde, NUBI elkarteak jakinarazi duenez, aurten batuko dituzten produktuak aurreko urteetako antzerakoak dira: atuna, konpresak, azukrea, dilistak eta arroza.
Gero, otsailean eramango dituzte batutako jakiak euskal karabanan Tindoufera, han dauden sahararren kanpalekuetara. Hori horrela, jakina, dirua ere behar dute karabana hori antolatu ahal izateko. Bada, NUBIk bi kontu korronte zabaldu ditu laguntza eman gura duenarendako. Kontu korronte bat dago Kutxan eta beste bat La Caixan.