Sahararren aldeko bingoa, Arrasaten

Arrasateko Nubi Elkarteak eta Aretxabaletako Iesbaa Elkarteak "BINGO SOLIDARIOA" antolatu dute. Ezin bestela izan eta, eta batuko duten dirua izango da Herri Sahararren aldeko proiektuan laguntzeko.

Hitzordua egin dute Arrasateko Iamai tabernan. Egubakoitzean, gaueko 22:00etan hasiko dira bingoan. Jolasteko txartel bakoitza euro batean salduko dute.

Sariei dagokienez, berriz, Arrasateko hainbat saltokik emandako opariak emango dituzte sari moduan; adibide batzuk ipintzearren, Lacor enpresako tostadora eta kafetera bat, Aitor Belardendako produktuak, Markiegiko alkondara eta nikia, Iamaiko ardo saskia, Goiarako kolonia, eta abar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.