Irailaren 9ra arte izango dira gurean, besteak beste, Mamia eta Mohamed, hau da, Tindoufeko errefuxiatuen kanpalekuetan bizi diren haur sahararrak. Urarekin jolastea ikaragarri gustatzen zaiela diote, aurten 3. urtez Arrasatera etorri den Mamiak eta 5.urtez gurean dagoen Mohamedek; biek ala biek 14 urte dituzte. opor garaian euren etxeetan hartu dituzten ararsatearrek benetan etxekotzat dituztela diote. Era berean, odol ezberdineko familiako kideak badira ere, anai-arrebatzat dituztela bermatu dute Haizea Arriaran eta Haizea Fernandezek. Horrelakoak eta gehiago dituzue, bada, Larraitz Zeberio kazetariak gidatutako elkarrizketan, entzuteko moduan.