Arrasateko Udalak prentsa oharra bidali du, egunotako arazoak ikusita, azalpenak ematen. Labur esanda, eta Arrasate Irratiari atzo aurreratutako moduan, Arrasateko Udalak azaldu du badakiela “herritarrek traba edo enbarazu ugari igaro behar izan dutela” egunotan, eta horren aurrean, aditzera eman du “halako egoerei aurre egiteko duen udal protokoloak ezarritako baliabideak erabili dituela, eraginkorrak izan direnak lehenago egin dituen elurteetan”.
Datuak ere helarazi dituzte: elurra kentzeko eta gatza banatzeko 2 ekipo, 40 pertsona inguru eta 30 tona gatz erabili dituzte. “Udalak erabili ditu bere langileak, udal lantaldeetakoak, Udaltzaingokoak eta beste zerbitzu batzuetakoak, bai eta Udalak kale garbiketa eta lorezaintzan kontratatuta dituen enpresako langileak ere”, adierazi dute.
Hobetzen jarraitu behar
Horrekin guztiarekin batera, Arrasateko Udalak gaineratu du uste duela “hobetzen jarraitu behar” dutela eta “dagozkion ondorioak atera behar” dituztela; edozelan ere, azpimarratu dute erabili dituztela “egoki eta zuzen esku artean” izan dituzten “baliabide guztiak”.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak