Horrez gainera, bereziki Alternatiba-Zutik koalizioaren jarrera kritikatu du alderdi sozialistak, euren esanetan, "aldez aurretik" hitzartu zutelako aurrekontuen gaineko bozketan abstenitzea, eta horri esker egin ahal izan zutela aurrera Udal Gobernuak proposatutako kontuek.
13 emendakinetik bakarra onartuta
Salatu du Udal Gobernuak krisiaren testuingurua aprobetxatu duela aitzakia moduan bere "aktibitaterik-eza" eta "kudeaketa negargarria" justifikatzeko. "Gauzatu diren proiektuak aurreko legealditik datoz, eta beste obra batzuk, garrantzitsuenak Zapateroren gobernuaren E planari esker gauzatu dituzte".
Eta jakinarazi du, baita ere, PSE-EEk 13 emendakin aurkeztu dizkiola aurrekontuari eta bakarra onartu dietela: 10.000 euroko partida ezabatzea bilduma industriala elikatzeko.