"Jon Agirreren kasua oso argia da: 28 urte kartzelan, gaixotasun larriak ditu eta hala eta guztiz ere ez dute askatzen", azpimarratu dute Portaloira Topagunetik. Salatu dute 92. artikulua "behin eta berriro" ukatzen diotela Agirreri eta 2006an zigor osoa beteta izan arren, "beste bost urtez" luzatu diotela zigorra.
Giltzurrun bakarrarekin
Josu Uribetxeberriaren egoera ere salatuko du Portaloira Topaguneak. Kontatu dute giltzurruneko minbizia izan eta giltzurrunetako bat kendu ostean, bakarrarekin bizi dela orain. "Eguneroko jarraipen medikua behar du, kartzelan jasotzea ezinezkoa dena. 92. artikulua ukatu zaio etengabe".
'Biziarteko espetxe zigorra'
Azkenik, Jose Inazio Gaztañagari ere "biziarteko espetxe zigorra ezarri" diotela salatuko dute, 2006an zigor osoa beteta izan arren, 2018. urte arte luzatu diotelako zigorra.
Maiatzean mozioa
Herritarren zein eragileen sinadurak batuta, mozioa aurkeztuko dute maiatzean Arrasateko Udaletxean (besteak beste), "sakabanaketa bukatu, gaixo larriak askatu, bizi arteko espetxe zigorra indargabetu eta Agirre, Uribe eta Gaztañaga askatzeko eskatzen.