Ordezkari sozialiastak azpimarratu du etxez etxe egin behar duten sinadura bilketa hori “San Andres auzora ere iritsiko dela, Isaias Carrascoren familia bizi den auzora”.
Paco Gartziak aditzera eman du ETA bukatuko dela “ulermena ematen dietenek bizkarra ematen diotenean, baina baita ere gizartea iraultza egin eta beldurra gainetik kentzeko gauza denean”. Zinegotzi sozialistaren ustez “ezinbestekoa da Euskadin ETA eta bere inguruarekiko tolerantzia zero giroa sortzea”.
Gogorarazi du ETAk “sekula baino preso politiko gehiago eta gizartearengandik mesprezu handiagoa” dituela eta badakiela ez duela “inolako helburu politikorik lortu behar”. Arrasateko ordezkari sozialistak gaineratu du “ETAri eta bere inguruari aurre egiteko terrorismoari irabazteko borondatea” behar dela eta Arrasateko sozialistek badutela nahikoa “sendotasun moral, indar, pazientzia eta borondate borrokan segitzeko”.
