Nagusi izan arren, gaztetako ohiturak berreskuratu zituzten Arrasateko 820 erretiratuk atzoko, zapatua, Erretiratuen Egunean. Txanpainari esker apur bat "txispatuta", dantzarako, kanturako eta parrandarako gogo nabarmenekin, gustura asko pasa zuten, bereziki, bazkalosteko ekitaldiekin Musakolako kantxan. Tartean, Marina Sanchez (101 urte) eta Ladislao Ginaldo (99 urte) nagusienek herriko agintari nagusienen eta SUDCeko ordezkarien omenaldi beroa jaso zuten.
"Oso-oso gustura gaude. Niri batez ere dantza egitea gustatzen zait. Gaur pena guztiak ahazteko eguna da", zioten batzuek. "Lagun onak tokatu zaizkit mahaian, eta oso giro politean gaude. Niri dantza egitea baino, begiratzea gustatzen zait gehiago", zioten beste batzuek. Guztiek, baina, argi zeukatena zen euren eguna zela atzokoa, eurendako bereziki antolatutakoa, eta eguna ondo aprobetxatzeko asmo sendoarekin elkaru ziren Erretiratuen Egunean.
Agintariak ere bai
Erretiratuekin batera, herriko agintariek ere parte hartu zuten ekitaldian, Ino Galparsoro alkatea eta Oihana Aranburu alkateordea izan ziren-eta, erretiratu nagusienei merezitako omenaldiko opariak ematen. Jose Riviere, Gipuzkoako erretiratuen presidenteak ere izan zuen presentzia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
