Postu bereziak bihar Baserritarren azokan, San Isidroren omenez

San Isidro baserritarren zaindariaren omenez, postu bereziak jarriko dituzte bihar hileroko hirugarren zapatuan Seber Altube plazan egiten den baserritarren azokan. Azokaren helburua baserritarrek euren produktuak herrian saltzeko aukera izatea; baserritar gehienendako azoka salmenta iturri garrantzitsua da.

Ohiko barazki, fruta eta jakien postuez gain postu bereziak izango dira bihar baserritarren azokan. Besteak beste, fruta arbola saltzaileak, baserrirako erreminta eta tresnen saltzaileak eta banastagilea etorriko dira Seber Altube plazara. Ordutegia bera izango da: 09:00etatik 14:00etara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.