Zientziaren urtea dugu aurten eta hori aprobetxatuz Garaia Berrikuntza Gunean batzar berezia egin nahi izan dute, Espainiako Parke Teknologikoen VI. Nazioarteko Batzarra. Urriaren 17 eta 18an izango da hori eta parke teknologiko aurreratuenetako arduradunak izango dira bertan.
Zientzia, teknologia eta berrikuntzaren arteko hesiak puskatzea da batzar horren helburu nagusia. Alfons Cornella, Infomania-ko lehendakaria, izango da Batzarra zuzenduko duena. Cornella berrikuntzaren inguruan aritu da, arkitektura, kultura, tradizio edota gastronomia bezalako gaien ikuspuntutik.
Esan bezala, Batzarra urriaren 17an hasiko da goizeko bederatzi t’erdietan inaugurazio ekitaldiarekin. Bertan parte hartu ahal izateko izena emateko epea zabalik dago urriaren batera arte.